عيونك قضيه .
ورمشك بنظره قلبها لجنايه
ودبح وشبح وقطع وريدى
وحط الحديد من جديد فوق ايديا
......
عيونك قضيه
لا فيها معارضه ولا فيها نقض
ومفروض عليا
اكون المحامى واكون برضه جانى
وجنى عليا
ادافع بنفسى ..واصبح وامسى
وادخل عيونك واسنكر عليا
واطالب لروحى بأقصى عقوبه
واقول للمنصه دا رمشه جرحنى بهواه من بعيد
وانا المستفيد بكل اللى صابنى .. وكل القضايا
عيونك .. عيونك .. عيونك جنايا
ياريت يحبسونى فيها للنهايه
..
ياريت من زمان عيونك خدتنى
لأبعد جزيره وكات توهتنى
مكنتش هنام
ولا اسمح لنظره لعنيكى تفوتنى
مكنتش هحب الرجوع الا ليكى
ولما اموت ماموتش الا فيكى
ولما اتوه ماتوهش الا بيكى
ادور عليا الاقينى ساكنك
ادور عليكى.. الاقيكى فيا
عيونك عيونك .. عيونك قضيه
من ديوان اظنك لسه فاكرنى
