على رصيف الانتظار
كل شئ ممكن يهون
بس تيجي حبيبتي مرة
قبل ما تاخدني الظنون
حبي ليها كان ميداني
قبل ما الثورات تكون
كنت بنقش اسمها على كل سور
كنت بأهتف اسمها وقت اما أثور
كات ربيعي ف عز ماخريفي بيجي
كات براح ف عز خوفي و عز ضيقي
يا حبيبتي يا قبلة للعشاق وساحة
قلبي بتزيد فيه مساحة
لما ليكي ف يوم أكون
يا حبيبتي يا اللي زرعك لسه أخضر
يا اللي ثورة كنتي فيها وردة تسقي الكل عنبر
عمر يوم ما مل لو زاد انتظاري
ثورتي وثورتك دول هما تاري
يوم تيجي قلبي لسه ف عز شوقه
يوم ماتيجي حتهدى ناري
