وصباح الخير
عالناس في الحارة والميادين
على أمّي فوق سجادة الصلا
بتجيبني ف بالها وتدعيلي
والكون بيرد وراها :آمين
على عم شحاتة ف دكانه
بيرش المية على الأسفلت
ويبدأ يومه بأذكاره/
فتاح يا عليم /رزاق يا كريم
ع الست حورية على سطوحها
بتناكف ف طيورها وهما ليها عاشقين!
على كفّ عفية ف غيط أخضر
منقوشة ب عرقها العنبر
على كل جبين كاوياه الشمس
الصّهد عليه ياما اتمختر
على كل إيدين شقيانة
بتزرع مواسمها لإيدين تانيين
تستنى شجرها
يضحك فاكهة
ويغني لبكرة عنب على تين
عالحدادين
والنجارين
والمكتبجية
الوراقجية
المرسومين
على فرّاش يضحك لعيونك
ويجيبلك شايك وانت حزين
تنفلت البسمة من قلبك
وترد سلامه الطاق سلامين
على مصر الشارع والقهوة
على نيلها المنتور في الشرايين
على حلم يأذّن في قلوبنا
يجمعنا وراه
دعوات ملايين
كل صباح وانتم
بالخير والصبر
متعبيين
عالناس في الحارة والميادين
على أمّي فوق سجادة الصلا
بتجيبني ف بالها وتدعيلي
والكون بيرد وراها :آمين
على عم شحاتة ف دكانه
بيرش المية على الأسفلت
ويبدأ يومه بأذكاره/
فتاح يا عليم /رزاق يا كريم
ع الست حورية على سطوحها
بتناكف ف طيورها وهما ليها عاشقين!
على كفّ عفية ف غيط أخضر
منقوشة ب عرقها العنبر
على كل جبين كاوياه الشمس
الصّهد عليه ياما اتمختر
على كل إيدين شقيانة
بتزرع مواسمها لإيدين تانيين
تستنى شجرها
يضحك فاكهة
ويغني لبكرة عنب على تين
عالحدادين
والنجارين
والمكتبجية
الوراقجية
المرسومين
على فرّاش يضحك لعيونك
ويجيبلك شايك وانت حزين
تنفلت البسمة من قلبك
وترد سلامه الطاق سلامين
على مصر الشارع والقهوة
على نيلها المنتور في الشرايين
على حلم يأذّن في قلوبنا
يجمعنا وراه
دعوات ملايين
كل صباح وانتم
بالخير والصبر
متعبيين
