من تحت النظاره السوده ... وغمزت بيضه لبيضه وقالت " هاى "
شوفتيه ميت حلو ازاى
...... وخبر عاجل ع الفضائيه بيقول .... مااااااااااااااااااااات ..
_ مااات أزاى ؟؟
طيب ماهو لازم هيموت
غسل .كفن ... ادفن قفل . مش لازم وكالات انباء وفضايح ع الفضائيات
واللا الميت من امواتكم لوبيت ع الشاشه يذيدكم .. شهره
وتبقوا اصحاب السبق ف نشر قضايح للأموات .... مات
___________________
شفتى جنازته ..؟
حتة ميت .. آدى الميت واللا بلاش ..
نسوان ايه دى وعربيات
قوات أمن وموتوسيكلات
... مش ميتنا ابن الجربوع ماشى وراه "حرافيش بطواقى "
ما احنا كمان عندنا اموات .آى والله . احنا كمان كلنا اموات
بس الميت من امواتنا بتطلع عينه ف غمضة عين
اصله اتعود ع الموت يامه د وعد ومد ايديه للخلق
مات ف طابور العيش مرات
مات ف الغيط ساعة القياله وكان بيربط ف الكرات
الرابطه بصاغ ... الرابطه بصاغ
شوف كام صاغ جنب الدولارات . جنب الملايين
مات م الدين
لما انشد وعد ومد ايديه للخلق
سدودانه بحتة قطنه . كفن نفسه بنفسه .. وهج
وقبل مايطلع ع الجبانه
وقف النعش وطلع ( ............. ) للديانه وقال باى .. باى
انا مش راجع وسايبهالكم . بس ف قبرى هصفى حسابى مع ميتكم
هاخده ف حضنى
وانشه قنابل من كراتى ف وشه وهشه ف كرشه الميت
... ميت مع ميت هيبيت غصب عنه
وانا مش ميت
اصل انا ميت ,,,, عندى مناعه وصاحب شركة " لايص "
واعرف اسد ف اى مجاعه واشد حزامى كويس
ريس . كيس ف الأزمات ... ومات
______________________
اول مره اعزى ف ميت القى الميت بيعزينى
اول مره اشوف نسوان جايه تعزى ب البكينى
قلت لنفسى آه ياحقودى .. ليه مفهمتش
ان الميت جوه الجيزه . غير الميت ف الكيت كات
ليه مفهمتش ان الموته دى موته زوات
وان الميت قرفته حلوه ونيته حلوه
عارف ليه ؟
ميت طالعه وراه وزارات
كل وزاره لها كاميرات . جايه تأكد وطنيتها
امال ايه .. ناس بتفكر
___________________
وبرنسيسه جايه تعزى
نزلت يومها م العربيه انما ايه ؟
بين فستانها وبين جزمتها السوده مسافه
وخطين بيض.. بيض بكثافه
والفستان اسود سواريه
قلنا مراته .. يابن الايه ..اما نتايه
ردت واحد م الجبلايه قالت . باردون . دية مش حرم المرحوم
دية واحده من شلتنا والتسعين ف طابور ستاته
والمرحوم عازب بطبيعته . انا عارفاه ..
كان مفروض يحلق شنباته
كان بيأكد ان العازب يفهم اكتر م المجوز ف الستات . ومات
___________________
بعد الفاصل . طلعت حلوه بوش بشوش
ورموش قتاله وهاله وقصه ولابسه بتاعه وقالت مات
مات الغالى ابو راس عاليه
.. وغاليا .وداليا . وهند . وفيفى .ونانى . وسوسو
وصوفى ورانيا صبحوا ارامل ؟
والمرحوم كان راجل فاضل
ناضل ويا نجوم السينما
أخد الاوسكار ف الاباحيه
.. له مفاهيم ف الموت بتقول " لما تحب تموت ياعبيط
موووت مظبووط
نفض راسك م الرجعيه
اشرب واهلك ...
فك رباط الجزمه بتاعتك وانزل بيها على راس أهلك
شوفلك واحده حالعه راجلها وتعرف تاكلك
وانت تصلطح .. واللى يفرقع تديك غيره
ولما تموت هتموت مظبوط
موت يستهلك ع النيل سات ..ومات
وانت بسرعه موت ياعبيط
قبل الموت مايجيك يلاقيك صاحى وميت ؟
قولى برك"
ميت صاحى ..؟
واللا الصاحى الميت أفضل ؟
موت ياعبيط
موت احسن لك
موت احسن لك موت احسن لك ...
شوفتيه ميت حلو ازاى
...... وخبر عاجل ع الفضائيه بيقول .... مااااااااااااااااااااات ..
_ مااات أزاى ؟؟
طيب ماهو لازم هيموت
غسل .كفن ... ادفن قفل . مش لازم وكالات انباء وفضايح ع الفضائيات
واللا الميت من امواتكم لوبيت ع الشاشه يذيدكم .. شهره
وتبقوا اصحاب السبق ف نشر قضايح للأموات .... مات
___________________
شفتى جنازته ..؟
حتة ميت .. آدى الميت واللا بلاش ..
نسوان ايه دى وعربيات
قوات أمن وموتوسيكلات
... مش ميتنا ابن الجربوع ماشى وراه "حرافيش بطواقى "
ما احنا كمان عندنا اموات .آى والله . احنا كمان كلنا اموات
بس الميت من امواتنا بتطلع عينه ف غمضة عين
اصله اتعود ع الموت يامه د وعد ومد ايديه للخلق
مات ف طابور العيش مرات
مات ف الغيط ساعة القياله وكان بيربط ف الكرات
الرابطه بصاغ ... الرابطه بصاغ
شوف كام صاغ جنب الدولارات . جنب الملايين
مات م الدين
لما انشد وعد ومد ايديه للخلق
سدودانه بحتة قطنه . كفن نفسه بنفسه .. وهج
وقبل مايطلع ع الجبانه
وقف النعش وطلع ( ............. ) للديانه وقال باى .. باى
انا مش راجع وسايبهالكم . بس ف قبرى هصفى حسابى مع ميتكم
هاخده ف حضنى
وانشه قنابل من كراتى ف وشه وهشه ف كرشه الميت
... ميت مع ميت هيبيت غصب عنه
وانا مش ميت
اصل انا ميت ,,,, عندى مناعه وصاحب شركة " لايص "
واعرف اسد ف اى مجاعه واشد حزامى كويس
ريس . كيس ف الأزمات ... ومات
______________________
اول مره اعزى ف ميت القى الميت بيعزينى
اول مره اشوف نسوان جايه تعزى ب البكينى
قلت لنفسى آه ياحقودى .. ليه مفهمتش
ان الميت جوه الجيزه . غير الميت ف الكيت كات
ليه مفهمتش ان الموته دى موته زوات
وان الميت قرفته حلوه ونيته حلوه
عارف ليه ؟
ميت طالعه وراه وزارات
كل وزاره لها كاميرات . جايه تأكد وطنيتها
امال ايه .. ناس بتفكر
___________________
وبرنسيسه جايه تعزى
نزلت يومها م العربيه انما ايه ؟
بين فستانها وبين جزمتها السوده مسافه
وخطين بيض.. بيض بكثافه
والفستان اسود سواريه
قلنا مراته .. يابن الايه ..اما نتايه
ردت واحد م الجبلايه قالت . باردون . دية مش حرم المرحوم
دية واحده من شلتنا والتسعين ف طابور ستاته
والمرحوم عازب بطبيعته . انا عارفاه ..
كان مفروض يحلق شنباته
كان بيأكد ان العازب يفهم اكتر م المجوز ف الستات . ومات
___________________
بعد الفاصل . طلعت حلوه بوش بشوش
ورموش قتاله وهاله وقصه ولابسه بتاعه وقالت مات
مات الغالى ابو راس عاليه
.. وغاليا .وداليا . وهند . وفيفى .ونانى . وسوسو
وصوفى ورانيا صبحوا ارامل ؟
والمرحوم كان راجل فاضل
ناضل ويا نجوم السينما
أخد الاوسكار ف الاباحيه
.. له مفاهيم ف الموت بتقول " لما تحب تموت ياعبيط
موووت مظبووط
نفض راسك م الرجعيه
اشرب واهلك ...
فك رباط الجزمه بتاعتك وانزل بيها على راس أهلك
شوفلك واحده حالعه راجلها وتعرف تاكلك
وانت تصلطح .. واللى يفرقع تديك غيره
ولما تموت هتموت مظبوط
موت يستهلك ع النيل سات ..ومات
وانت بسرعه موت ياعبيط
قبل الموت مايجيك يلاقيك صاحى وميت ؟
قولى برك"
ميت صاحى ..؟
واللا الصاحى الميت أفضل ؟
موت ياعبيط
موت احسن لك
موت احسن لك موت احسن لك ...
